Adel Mzab - نوفمبر - Adel Mzab

flash infos

citation & expression

articles récents

radio

écouter radio chaine 2
écouter radio ghardaia
écouter radio coran

commentaires récents

Catégorie: Extraits
نوفمبر

 

نوفمبر رمز لينـــا                 للتاريخ سجلناه

بالبارود ولكلام نهضنا             بعزم وبعون الله

اللي استشهد من أولادنا            ذاك فالجنة ربحناه

واللي عاش بعد المحنة             قال الحمد للــه

 

الطالب كبدتنا أو عمدتنا           من الجهل أنقدناه

مدارس  ومعاهد هنا وهنا         كلشي ليه أفتحناه

بالدين بالثقافة وبلوغتنا           وبالأخلاق حليناه

يدرس يبحث ويعلمنا             وحنا الكـل أوراه

للخير للسعادة إوصلنا            إن شاء ألله وبحول ألله

 

ألعامل أللي كان محقور          هو أيضا ما نسينـاه

أللي كان تحت ألسيطرة والجورمن ذوك أصحاب ألجاه

معامل مصانع وقصور            في يدو أعطينـــاه

منتوجات فالمدينة وقصور         ذاك الشي شفنــاه

شاعت أو جازت لبحور            من أقصاه إلى أقصاه

 

ألخماس أللي سقى بعرقو           أراضي وملاك مولاه

ماحنو عليه ما شفقــو            ما خافو من ألإلــه

أليوم لمراريدوقـــو              وهو يتنعم في غنـاه

صار كلشي ليه أورزقو            ومفتاح ألدار معـا ه

ذاك برنامج عليه أتفقو             وحنا رانا طبقنــاه

 

 

غاز بترول وحديدنـا             من الأرض إستخرجناه

صار سلاح جديد لينا              وبالعملة بعنــــاه

غرسنا الأشجار وفلحنا            والماء طوعنــــاه

آلاف الديار أبنينــا              والطريق مددنـــاه

يا ربي ذوم علينــا              هذا ألخير يـــا إلاه

 

 

صوت ألشعب راه نادى             قم لبي نــــداه

لا تتماطل لا تتمــادا             ولا تبقى حســراه

يا شاب يامرة ياهــذا            علي صوتك معـاه

ميثاق دستورأ وقيـادة             بالتصويت رسمـناه

نضمن ألشان والسعادة             وكل خير نرجــاه

 

إبن الناصر عمر العادل

1976

 



Laisser un commentaire 

captcha anti-spam, merci de le renseigner. plus d'info


*